– Timinga ser ut til å vere strålande, seier Jogeir Romestrand til Nett.no. Han har vore eldsjel og sentral aksjonær i selskapet saman med Houston-baserte Bjarte Bruheim, men har Arne Blystad og Songa Investment som hovedaksjonær med 18,3 prosent av aksjane. Havila Holding og Jogeir Romestrand-selskapet Rome er nest største aksjonær, kvar med 13,5 prosent, medan Bjarte Bruheim har 13,1 prosent. Også Remøy Shipping er inne på eigarsida i selskapet som satsar stort på nodeseismikk. På Utsira har Axxis Geo Solutions allereie henta inn seismikkdata frå eit område som dekker 1560 kvadratkilometer, i eit prosjekt som Aker BP sponsa med 40 millionar USD. Strategisk samarbeid Deretter kom seismikk-kjempa TGS – Nopec Geophysical på bana, og inngjekk partnerskap med Axxis om å dekke sentrale deler av Nordsjøen med nodeseismikk, inkludert Utsira-feltet. Avtalen inneber også sal av 50 prosent av seismikkbiblioteket til TGS, truleg til ein pris som ligg rundt 250 millionar kroner. – Det ser veldig bra ut. Interessa for våre seismikk-data er stor, seier Romestrand. Han seier at det vert mange år med aktivitet i Nordsjøen i samarbeid med TGS, i alle fall tre-fire år. – Vi tek felt for felt, område for område. I Nordsjøen er det tidlegare nesten ikkje tatt nodeseismikk. Får betre seismikkdata Axxis har hittil operert med 9.200 noder, som vert lagde i mønster på havbotnen, gjerne med 50 meter mellom nodene, der kvar node sender seismiske data til eit skyteskip. – Kvaliteten på nodeseismikk er mykje betre enn ved streamerseismikk. Vi kan også auke kvaliteten ved å ha nodene endå tettare, seier Romestrand. Han opplyser at selskapet er i ferd med å skaffe ytterlegare 6.000 noder, i tillegg til at ein i samarbeid med Evotec har utvikla ei handteringsløysing som gjer at ein kan leggje ut og hente inn nodene i fire-fem knops fart. – Billeg olje Han seier at det er stor interesse frå ei rekkje oljeselskap. – Ein av dei store fordelane med nodeseismikk, er at ein får tatt kvalitetsseismikk tett inntil eksisterande installasjonar. Han viser til at oljeselskapa har stort fokus på å utnytte eksisterande felt og infrastruktur betre. – Dette er veldig billeg olje. Hittil har selskapet tatt i bruk fem skip. Det er Neptune Naiad, som selskapet eig sjølv, i tillegg til Geo Caspian, Havila Fortune, Pasific Finder og Sanco Sword. Med unntak av Sanco-skipet, er dei øvrige no i arbeid utanfor India etter at Axxis har inngått kontrakt med det India-baserte multinasjonale selskapet Oil and Natural Gas Corporation (ONGS) om nodeseismikk utanfor India. I Nordsjøen frå april Samla kontraktssum for dette oppdraget er på 830 millionar kroner (99,9 millionar USD), der rundt 70 prosent av inntektene går til Axxis. – Til våren skal vi tilbake til Nordsjøen, kanskje allereie så tidleg som 1. april, seier Romestrand. Han opplyser at selskapet kjem til ha seks til åtte båtar i Nordsjøen. – Det er ikkje mangel på aktuelle båtar, med unntak av litt knappheit på skytebåtar, seier Romestrand. Solid ordrereserve Totalt er det no rundt 150 personar i sving for selskapet, som har den operasjonelle drifta organisert frå Houston. – Vi forventar at Axxis Geo Solutions vil ha ein kraftig vekst framover, seier Romestrand som opplyser at ordrereserven ved årsskiftet var på vel ein milliard kroner.

– Det ser lovande ut. Det seier Jogeir Romestrand, som er hovedaksjonær i selskapet saman med Houston-baserte Bjarte Bruheim. TGS-samarbeid Også Havila Holding og Remøy Shipping er inne på eigarsida i selskapet som nyleg inngjekk strategisk samarbeid rundt nodeseismikk med seismikk-kjempen TGS – Nopec Geophysical. – Ein viktig avtale for oss, seier Romestrand til Nett.no. Samarbeidet gjeld nodeseismikk i Nordsjøen, inkludert Utsitra-feltet, der Axxis nyleg har henta inn seismikkdata frå eit område som dekker 1560 kvadratkilometer. Mange år i Nordsjøen Romestrand seier at det vert mange år med aktivitet i Nordsjøen i samarbeid med TGS. – Vi tek felt for felt, område for område. I Nordsjøen er det tidlegare nesten ikkje tatt nodeseismikk. Axxis har hittil 9.000 noder, som vert lagde i mønster på havbotnen, gjerne med 50 meter mellom nodene, der kvar node sender seismiske data til eit skyteskip. – Kvaliteten på nodeseismikk er mykje betre enn ved streamerseismikk. Vi kan også auke kvaliteten ved å ha nodene endå tettare, seier Romestrand. – Veldig billeg olje Han seier at det er voldsom interesse frå oljeselskapa. – Ein av dei store fordelane med nodeseismikk, er at ein får tatt kvalitetsseismikk tett inntil eksisterande installasjonar. Han viser til at oljeselskapa har stort fokus på å utnytte eksisterande felt og infrastruktur betre. – Dette er veldig billeg olje. Nytt system Romestrand seier at selskapet tilbyr svært fleksible løysingar, og har i tillegg i samarbeid med Kongsberg Evotec i Ulsteinvik utvikla eit nytt og meir effektivt system for utlegging og innhenting av noder. – Vi kan no gjere dette dobbelt så raskt som tidlegare. – For oss tar det også berre rundt tre veker å rigge eit skip for nodeseismikk. India-kontrakt Hittil har selskapet tatt i bruk fem skip. Det er Neptune Naiad, Geo Caspian, Havila Fortune, Pasific Finder og Sanco Sword. Med unntak av Sanco-skipet, skal dei øvrige no frå Nordsjøen til India etter at Axxis har inngått kontrakt med det India-baserte multinasjonale selskapet Oil and Natural Gas Corporation (ONGS) om nodeseismikk utanfor India. Samla kontraktssum er på 830 millionar kroner (99,9 millionar USD), der rundt 70 prosent av inntektene går til Axxis. To av skipa er allereie på veg til India, på eit oppdrag som er venta å vare 4-5 månader. – Til våren blir det full aktivitet i Nordsjøen, seier Romestrand. Vil vekse fort Men selskapet satsar også andre stader, og for å ta unna etterspørselen skal det leigast inn fleire skip. – Neste år skal vi ha rundt åtte til ti skip i sving, seier Romestrand. Han seier at selskapet har ein aggresiv vekstplan. – Det er eit skikkeleg momentum no, og det har vi tenkt å utnytte. Etter salet av 50 prosent av seismikkbiblioteket til TGS, truleg til ein pris som NETT No anslår til rundt 250 millionar kroner, har ikkje selskapet så bråhast med å hente inn ny kapital. – Nei, kapitalbehovet er i alle fall betydeleg redusert, seier Romestrand.