Neste veke startar ei rettssak i Sunnhordland tingrett som er planlagt å gå i ei heil veke. Det er konkursbuet til selskapet Eide Marine Design AS som går til rettssak mot Georg Eide, skriv Stord24. Men no kjempar buet til dotterselskapet Eide Marine Design AS om rettane til Eide Flex Design, som er eit design for eit nedsøkkbart skrog. Dei ønskjer å selje rettane slik at designet kan kome tilbake på marknaden. – Det denne saka dreier seg om er spørsmålet om buet har høve til å selje rettane til Eide Flex Design, som er design for eit nedsenkbart skrog, fortel advokat Knut Ro, som styrar buet til Eide Marine Design AS til Stord24. Vil ha tilbake designet Han viser til at både Georg Eide og designselskapet har vore involvert i utviklinga av designet. – Det var Georg Eide som hadde ideen til designet, og så har det vore utvikla av Marine Services AS før det gjekk ut på marknaden. Georg Eide meiner designet skal tilbake til han, medan me vil at buet skal ha rettane slik at det kan takast tilbake til marknaden. Eide Flex Design har hausta viktige kontraktar etter at det vart utvikla. Mellom anna i 2014, då ein Eide Flex Rigg fekk kontrakt med det brasilianske oljeselskapet Petrobrás. – Kor store verdiar er det snakk om her? – Det er vanskeleg å seie, men det er avhengig av marknaden. Meir ønskjer eg ikkje å seie, då me ikkje ønskjer å førehandsprosedere saka. Det er ikkje så vanleg at så lange rettssakar går for Sunnhordland tingrett. Knut Ro viser til at det er ei komplisert sak med fleire vitne. – Det er ein del vitne, og Georg Eide kjem til å ha ein lang forklaring. Eg trur ikkje me vil bruke heile veka, og retten er oppteken av å ikkje ha for dårleg tid til saka. Ingen kommentar Georg Eide sin advokat ønskjer ikkje å kommentere saka. – Me ønskjer ikkje å prosedere denne saka i pressa, fortel advokat Christian Hausvik. Det var i fjor haust at ei rekkje av selskapa til Georg Eide på Halsnøy gjekk konkurs. Det låg an til at 90 personar ville miste jobbane sine, men så kom fiskeoppdrettar Gerhard Alsaker på banen som kjøpte deler av buet.