Det 24.000 tonn tunge plattformdekket til gassplattforma Aasta Hansteen kom torsdag til Westcon i Ølen etter ein to månadar lang seiling frå Sør-Korea. Dekket blei frakta av tungtransportfartøyet «White Marlin». I videoen frå Statoil i toppen av saka kan du sjå nøyaktig korleis dei den gigantiske konstruksjonen skal koplast saman med understellet,skriv Stord24. Den første delen av operasjonen som no skal gjerast er at plattformdekket skal overførast til to andre fartøy før det blir frakta til Digernessundet ved Stord. I løpet av desember skal plattformdekket koplast saman med stålunderstellet som ligg og ventar i fjorden. Aasta Hansteen er i følgje Statoil rekna som ein av dei største og mest komplekse industriprosjekta nokon gong. Det vil bli bygga heile 480 kilometer med røyrledningar, omtrent like langt som avstanden mellom Oslo og Bergen. Plattforma er klar for tauing til Nordsjøen på vårparten 2018.