Forus-bedrifta Endúr Fabricom, tidlegare Engie Fabricom, har vore eit av skrekkeksemplarane når ein ser tilbake på korleis oljekrisa ramma. Selskapet deltar i alle ledd i utbyggingsprosjekt innen olje og gass, og mistet 700 millionar i inntekter på tre år. Av nesten 2.000 tilsette i 2010, var det berre 120 att då selskapet blei kjøpt opp i februar i år. No har nedturen endeleg teke slutt. Dei siste fire vekene har dei tilsett mellom 25 og 30 nye personar. Like mange skal inn i løpet av dei neste månadene. Bakgrunnen for tilsettingane, er at selskapet har skaffa seg betydelege kontraktar. – Det er prosjekt av stor betydning, seier administrarende direktør Mikal Løvik, som med omsyn til kontraktane ikkje kan gå ut med kven som har hyra dei inn. Les óg: Fabricom får norske eiere Kvinne fekk tilbake jobben ho mista Arbeida omfattar mekanisk arbeid og ingeniørarbeid både til land- og offshoreinstallasjonar. På produksjonslokala til selskapet i Dusavik har dei auka bemanninga, og med dei nye kontraktene vil dei også etablera seg andre stader i landet. Innen utgangen av året skal 120 faste tilsette bli til 220, seier Løvik. – Marknaden er i oppsving, og vi får nye førespurnadar og leverer gode tilbod. Vi må vera riktig bemanna for å møta det som er førespeila i marknaden dei neste åra. – Ei kvinne som mista jobben for tre år sidan, kom att i dag. Ein merker at trua på selskapet er tilbake, seier han. Les óg: Han skal snu Fabricom etter at 1800 mistet jobben – Vi har vore heldige med timinga Sjøl kom Løvik inn i leiinga av selskapet i februar. Saman med partner Robert Norum i Artemes Group kjøpte dei ein tredjedel av selskapet. Handeland Industri kjøpte to tredjedeler, og skifta namnet frå Engie Fabricom til Endúr Fabricom. At dei siste åras nedtur no snur, forklarar han med både dyktighet og flaks. – Selskapet satt igjen med ein solid kompetanse og, og alle så fram til ein avklaring på kva som skulle skje med selskapet. Å få lov til å vera han som får løfta selskapet i lag med organisasjonen, har vore veldig givande. Fakta Forlenge Lukke Endúr Fabricom Norsk hovedkontor på Forus Bygger til alle ledd i utbyggingsprosjekter innen olje og gass Heitte før Engie Fabricom, då det var egid av det belgiske gigankonsernet Engie Fabricom Kjøpt opp i februar 2018 av Handeland Industri og Artemes Group Administrerende direktør er Mikal Løvik Skal ha 220 tilsette i løpet av året – Er det tilfeldig at oppturen kjem no? – Det er nok ein kombinasjon. Vi har vore heldige med timinga, og teke over på eit godt tidspunkt. Men vi har staka ut ein kurs og sagt kor vi skal, noko som hjelper både for dei tilsette og marknaden. – Korleis begynner du når du skal få skuta på rett kjøl? – Vi hadde ein del innsikt i firmaet etter å ha vore gjennom ein long prosess for å kjøpa det. Vi hadde laga nye budsjetter og sett på forretningsmodellen, og gjorde dei endringane vi ønska å få til. 30 millioner i minus Resultalta for 2017 er derimot ikkje oppløftande. Det ordinære resultatet enda på 30 millionar i minus, og omsetnaden var på 130 millionar. Men Løvik føler seg sikker på at 2018 blir eit bedre år. – 2018 er betydeleg betre, utan at eg vil gå inn i detaljane på det. Vi ser heilt klart at vi vil driva positivt i 2018, seier han.